أحلى كيكة بالشكولاته على طريقة ستار بكس

السلام عليكم

طبعا كلكم تعرفون كيكة دبل شوكلت مفن الي تنباع في ستار بكس
بعطيكم طريقة كيكة نفس طعمها مع شوية اضافات وتقدرون تسوونها في البيت في نص ساعة
وصدقوني كل يوم بتسوونها من حلاتها والله ان في البيت يوميا اطلب اهلي يسونها لي بعد الفطور عشان احلي



المقادير

(المقادير هذه تكفي 5 - 6 اشخاص)

كوب زيت
كوب سكر
كوب ماء
4 ملاعق حليب بودرة
4 ملاعق بودرة الكاكاو
فانيليا
بيضة وحده
كوب طحين رقم واحد
ملعقة كبيرة بيكنج بودر
- ملعقة نشا


الطريقة:

الخطوة الاولى:

نحط المقادير التالية في الخلاطة
- كوب زيت
- كوب سكر
- كوب ماء
- 4 ملاعق حليب بودرة
- 4 ملاعق بودرة الكاكاو

ينضربون كلهم في الخلاص لين يصير معانا خليط متجانس

اخذ من الخليط مقدار كوب كامل واحطه على جنب لعمل كريمة الكاكاو

الخطوة الثانية:

- نضيف بيضة على الخليط المتبقي في الخلاطة + شويه فانيليا
- ونضربهم كلهم في الخلاط
- ننخل الطحين مع البيكنج باودر
- نشغل الخلاط الي في الخلطة ونبتدي نضيف الطحين شوي شوي لين نخلص

بعدين انييب صينيه مدهونه بالزيت ومغطايه بالطحين عشان ما يلتصق الكيك في القاع
ونصب الخليط في الصينيه وندخلها الفرن على درجة حرارة 350

في هذه الاثناء نسوي الخلطة السرية

الخطوة الثالثة:

تذكرون الكوب الي حطيناه على برد
نصب الخليط في قدر صغير ونحطه على النار
ونجهز نصف كوب حليب بارد مع ملعقة من النشاء ومضاف اليهم ملعقة سكر
ونصبه على الخليط مع الاستمرار في التحريك لين يصير عندي خليط الكاكاو المتجانس

اول ما تخلص الكيكة نقلبها على صينية التقديم ونصب فوقها مزيج الكاكاو
ونرش فوقه المكسرات وجوز الهند

وتطلع عندكم احلى كيكة بنفس طعم ستار بكس

والي يبى يسوي نفس طريقة ستار بكس
تقدرون تحطون الخليط في صينية تكون خاصة بالمفن وقبل لا نحطها في الفرن نضيف للخليط حبوب الكاكاو


اتمنى تجربون الكيكه نفس طريقتي وتمنى تعجبكم
انتظر ردودكم

تسلمين و الله روعة

مشكوره

مشكووووووووووووووووورة وانشاء الله تطلع حلوووووووووووووووووة

مشكور حبيبتي إنشاء الله تطلع أحلى كيكة

مشكورة حبيبتي الظاهر أنا حلوة من المقادير

الكيكة عجبتني لانه ماما بتعرف تعملها

يسلمــــــــــــــــــــــــوا يا قمر

شكرا حجرب وصفتك تقبلي مروووووووووووووري

تلميلى ايدك ياعسولتى